De recentioribus tragoediarum comoediarumque scriptoribus
Schola per rete agitanda, cui gratuito interesse licebit
Die Veneris 7 m. Ianuarii a. 2022, h. 15:30 ope programmatis Zoom
De theatro Latino cogitantibus ilico Plauti comica artificia, Terentii exquisitae scaenae, Senecae denique horrendi loci occurrunt. Rariuscule vero datur ut, quas tempore Artium Renascentium nonnulli litterati Quiritum vestigiis insistentes exaraverunt, eas comoedias tragoediasve lectitemus. Hincque, recentiora artis ludicrae monumenta pervulgare cupientes, id consilii cepimus ut scholam per rete agitaremus, agonemque illum scaenicum, c. n. Thalia, omnibus Scholae Humanisticae sodalibus commendaremus.