Peregrinationes

English Italiano Latine

Orbis et litterarum Latinarum periegesis

Scholae per rete agitandae, a die 27 m. Iulii ad diem 7 m. Augusti a. 2020

Si maria longinqua incognitasque gentes adire studes, videbis duas esse rationes itineris suscipiendi: alteram, si equo, raeda, navi aliisve vehiculis peregrineris; alteram, si domi permaneas iterque non pedibus tibi fiat, sed libris lectitandis visionibusque concipiendis. Et quoniam hac aestate nobis praecluditur facultas peregrinandi, quidni animo atque cogitatione iter inimus? In litteris Latinis tam antiquis quam recentioribus innumerae sunt locorum itinerumque descriptiones, et venustissimae illae quidem. Hae scholae aestivae, quas “Peregrinationes” inscripsimus, erunt simul orbis et litterarum Latinarum periegesis. Mirabilia opera Latina legemus, plerumque nonnisi paucis nota. Ingrediemur silvas, nives, harenas, iuga excelsissima superabimus, nova regna novasque nationes cognoscemus. Quid moraris? Constringe sarcinas: propediem in viam nos dabimus!

 

Programma Argumenta
Die 27 m. Iulii a. 2020, h. 17:00-18:00 CET Mirabilia Urbis Romae
Die 27 m. Iulii a. 2020, h. 18:00-19:00 CET Horatii iter Brundisinum
Die 28 m. Iulii a. 2020, h. 17:00-18:00 CET Mons caprarum a Petrarca illustratus
Die 28 m. Iulii a. 2020, h. 18:00-19:00 CET Nimborum patria
Die 29 m. Iulii a. 2020, h. 17:00-18:00 CET Petrarcae Itinerarium ad sepulcrum domini
Die 29 m. Iulii a. 2020, h. 18:00-19:00 CET Cicero Siciliam circumit
Die 30 m. Iulii a. 2020, h. 17:00-18:00 CET “Peregrinatio in Aegyptum, Arabiam, Palaestinam et Syriam” (Martinus von Baumgarten 1594)
Die 30 m. Iulii a. 2020, h. 18:00-19:00 CET Rutilii De reditu suo
Die 31 m. Iulii a. 2020, h. 17:00-18:00 CET Ascensus montis ventosi
Die 31 m. Iulii a. 2020, h. 18:00-19:00 CET De Turcarum moribus
Die 3 m. Augusti a. 2020, h. 17:00-18:00 CET Ioannis Boccaccii De Canaria
Die 3 m. Augusti a. 2020, h. 18:00-19:00 CET Thessaliae monstra
Die 4 m. Augusti a. 2020, h. 17:00-18:00 CET Biblia pauperum: iter Aegyptiacum
Die 4 m. Augusti a. 2020, h. 18:00-19:00 CET Epistula Columbi de America nuper reperta
Die 5 m. Augusti a. 2020, h. 17:00-18:00 CET De balneis Helveticis
Die 5 m. Augusti a. 2020, h. 18:00-19:00 CET Peregrinatio Aetheriae
Die 6 m. Augusti a. 2020, h. 17:00-18:00 CET De Aeneae Silvii Piccolominei Europa
Die 6 m. Augusti a. 2020, h. 18:00-19:00 CET Nicolaii Klimii iter subterraneum
Die 7 m. Augusti a. 2020, h. 17:00-18:00 CET Desiderii Erasmi peregrinationis descriptio
Die 7 m. Augusti a. 2020, h. 18:00-19:00 CET Cassiodori Venetia maritima

Nomen dare licet ad diem 26 m. Iulii 2020.

 

Cur operae pretium est nomen dare?

Magnopere delectaberis!

Opera admodum varia legemus et ad omnia Latinitatis tempora pertinentia.

Pretium scholarum parvum est.

Omnia ipsi curabimus, teque uniuscuiusque constituti tempore admonebimus.

Poteris amicitiam contrahere cum plurimis Latinitatis studiosis: nostris enim scholis interesse solent homines ex universis terrae regionibus oriundi.

Ita scholas praebemus, ut semper rationem habeamus librorum doctorum atque investigationum, cum veterum, tum etiam earum quae recentius sunt editae.

Obiter multa verba disces, et id quidem sine ullo negotio.

Tibi licebit magistros alloqui deque rebus propositis disputare.

Incidemus pelliculas uniuscuiusque scholae. Sic, si unam pluresve scholas omiseris, pellicula spectata tibi perinde erit ac si interfuisses.

Scholis peractis diploma accipies.

Doctores

Mauro Agosto, Natascia de Gennaro, Antoine Haaker, Caecilia Koch, Giuseppe Marcellino, Paolo Pezzuolo, Claudio Piga, Giancarlo Rossi, Mikołaj Szymański.

Auditores

Discipuli, magistri, omnes qui sive studiorum sive animi causa locos exquisitiores litterarum Latinarum legere atque usum linguae latinae perpolire cupiunt.

Ubi

Scholae in foro retiali ZOOM agitabuntur.

Lingua

Latine

Quibus condicionibus

Ut intersis, satis est te leges sermonis latini perspectas habere.

Testimonium

Peractis scholis accipies testimonium.

Pretium

200 €

De nomine dando

Omnia ipsi curabimus, teque uniuscuiusque constituti tempore admonebimus. Adnumerata pecunia, primo scholarum die nexum accipies, quo usus in sedem retialem facile accedes. Incidemus pelliculas uniuscuiusque scholae. Sic, si unam pluresve scholas omiseris, pellicula spectata tibi perinde erit ac si interfuisses. Pelliculae triduum prostabunt.

Subsidia

Praebebuntur indices librorum et symbolarum, quo altius argumenta inter scholas tractata indages.