περὶ τοῦ “Ἰησοῦ τῶν Ἑλλήνων” καὶ τῶν αὐτοῦ κατὰ τὴν γῆν πορειῶν
ἑλληνικὰ διδάγματα, ΖΟΟΜ, ἀπὸ 3 ἡμ. Ἰουν. μην.-εἰς 27 ἡμ. Ἰουλ. μην. 2023
Ἀπολλώνιος μὲν ὁ Τυανεύς, ὃν οἱ μὲν ὡς μέγιστόν τινὰ καὶ ἔνθεον φιλόσοφον ἐπαινοῦσιν, οἱ δὲ ἀποπτύουσιν ὡς ἀγύρτην καὶ φένακα καὶ ψευδόμαντιν, ἔστι δήπου ἐν τοῖς παραδοξοτάτοις προσώποις ὧν ἡ ἀκοὴ ἐκ τῶν παλαιῶν χρόνων εἰς τοὺς καθ᾽ἡμᾶς ἀνθρώπους διήρκησεν. Γενομενος γὰρ ἐν Τυάνῃ -παλαιὰ δὲ αὕτη τῶν Καππαδοκῶν πόλις ἦν- ἐπειδὴ ἐφήβησεν, προιεμένος τὰ χρήματα τὰ πατρῷα, ὅλος πρὸς τὴν πενίαν ἐτράπη καὶ τὴν περὶ τὰ θεῖα ἐπιστήμην· τὸ δὲ ἐξῆς ἐπλανᾶτο ἀνὰ τὴν γῆν, συχνὸν ἀμφὶ ἑαυτὸν μαθητῶν πλῆθος συλλέξας, ὅπερ καθ᾽ἕκαστον λιμένα καὶ καθ᾽ἑκάστην πόλιν ηὐξάνετο· μετὰ δὴ τούτων πᾶσαν ἀκτὴν καὶ πάντα αἰγιαλόν, ὡς ἔπος εἰπεῖν, διερευνῶν τὴν τοῦ Πυθαγόρου φιλοσοφίαν πᾶσιν τοῖς ἀνθρώποις κατέδειξεν· διεπορεύσατο γὰρ τὴν τε Ἀσίαν καὶ τὴν Εὐρώπην καὶ τὴν Λιβύην, ἀπὸ τῆς Ἰάδος εἰς τῆν Ἰνδικήν, ἀπὸ τοῦ τῶν Περσῶν κόλπου εἰς τὰ προάστεια τὰ Κορίνθια, ἀπὸ τοῦ Παλατίου ἐπὶ τὸν Ὠκεανόν, ἐκ τῶν νεῶν τῶν κατὰ τὴν Μεμφῖτιν εἰς τὰς ψάμμους τὰς Αἰθιοπικάς, ἐνθένδε δ᾽αὖ εἰς τὰ ἄνω διὰ τοῦ ἀθήρου τόπου εἰς τὰς τῶν Καταδούπων ὕλας.
Ταύταις μὲν οὖν ταῖς πορείαις, ἃς ὁ Φιλόστρατος ἐν τῷ Ἀπολλωνίου Βίῳ συνέγραψεν, οἱ μεταγενέστεροι τῶν λογοποιῶν πολλὴν τερατολογίαν περιέθεσαν, οἱ μὲν τοὺς παραδεδωμένους τῶν περὶ αὐτοῦ λόγων ἐπὶ τὸ προσαγωγὸν καὶ μυθῶδες τῆς διηγήσεως κοσμοῦντες, οἱ δὲ ἐπὶ τὸ μυστηρικὸν καὶ τὸ θεολογικὸν, ἄλλοι δὲ ἀεροβατοῦνες ἀνὰ τὰ παλαιὰ τῶν ἀνθρώπων ἔργα καὶ ἄτοπα ἀναπλάττοντες, οἷον οἱ φάντες τὸν Ἀπολλώνιον, ἀφιγμένον ποτὲ εἰς τοὺς Σκλαβηνοὺς καὶ ἀναβάντα εἰς τὴν τῆς Κρακωουΐας ἀκρόπολιν, δυνατότατον περίαμμα κατὰ γῆς κατορῦξαι, ἐξ ὅτου τὴν τῶν Πολωνῶν μητρόπολιν δαιμόνων μεστὴν γενέσθαι καὶ οὕτω ἕνα τῶν τῆς γῆς ὀμφαλῶν κατασταθῆναι.
ἐν τούτοις οὖν τοῖς διδάγμασιν ὑποτιθέμεθα τῷ θείῳ Ἀπολλωνίῳ συνακολουθεῖν κατὰ τὴν γῆν πλανωμένῳ, ἄλλων τε πολλῶν στοχαζόμενοι, μάλιστα δὲ τοῦ πλείω μαθεῖν περὶ τούτου τοῦ άνδρός, ὃν οὐκ ἀπὸ τρόπου ἐστὶν Ἰησοῦ τῷ Ναζαρηνῷ προσεικάσαι, τῶν μὲν ἐν αὐτῷ βδελυρὸν γόητα καὶ τοῦ Χριστοῦ μιμητὴν ἐνορώντων, τῶν δὲ ἐγκωμιαζόντων αὐτὸν ὡς πρόμαχον τῆς τε Ἑλληνίδος παιδείας καὶ τῶν Ἑλληνικῶν θεῶν ἐν τῷ πολέμῳ τῷ πρὸς τοὺς Χριστιανούς.
ΜΕΡΟΣ Α´· ΑΠΩΛΛΟΝΙΟΥ ΒΙΟΣ
ἐν τῷ μὲν προτέρῳ μέρει πρόκειται ἡμῖν ἀναγιγνώσκειν καὶ ἐξηγεῖσθαι τὰ κυριώτατα χωρία τῶν βίβλων τῶν ὑπὸ Φιλοστράτου περὶ τοῦ Ἀπολλωνίου γεγραμμένων, ἔσται δὲ ὅτε παρεκβησόμεθα ἐπὶ ἄλλους συγγραφέας καὶ ποιητὰς χρησίμοὺς πρὸς τὴν δήλωσιν τῶν τῷ Ἀπολλωνίῳ βεβιωμένων. ὀψόμεθα οὖν αὐτὸν τὸ Παραπάμισον ὑπερβαίνοντα, Ἐμπούσας ἐξελαύνοντα, Γυμανοσοφισταῖς διαλεγόμενον, δαίμονας ἐν πτωχοῦ ῥάκεσιν ἀναγνωρίζοντα, λοιμοὺς καθαίροντα, νεκροὺς ἀνιστάντα, θαύματα ἀνὰ πᾶσας τὰς ἠπείρους κατασκεδάννυντα, καθιστάμενον δὲ τὸ τέλος εἰς ἀγῶνα πρὸς Δομιτιανὸν τὸν τῶν Ῥωμαίων αὐτοκράτορα.
Τοῦτο δὲ τό μέρος τῶν ἀκροάσεων παρέξομεν ἅπαξ ἑκάστης ἑβδομάδος, ταῖς ἡμέραις τοῦ Κρόνου, ἐν τῷ ἀκροατηρίῳ Ζoom (“webinar”), ἀπὸ τῆς 17:00 (CEST) ὥρας μετὰ τὴν μεσημβρίαν μέχρι τῆς 18:15.
ταινίαν ἑκάστου διδάγματος ἐγγράψαντες θεατὴν ποιήσομεν μέχρι τοῦ τῶν ἀκροάσεων τέλους.
ΜΕΡΟΣ Α´· ΕΛΛΗΝΙΚΑΙ ΔΙΑΤΡΙΒΑΙ ΚΑΙ ΑΣΚΗΣΕΙΣ ΠΕΡΙ ΤΗΝ ΕΛΛΗΝΙΚΩΝ ΛΟΓΩΝ ΓΡΑΦΗΝ
ἐν ταύταις ταῖς διατριβαῖς, αἵ γενήσονται καθ᾽ἑκάστην Διὸς ἡμέραν τῇ 18:00 (CEST) ὥρᾳ μετὰ τὴν μεσημβρίαν, σύνιμεν εἰς λόγους ὡς διαλεχθησόμενοι καὶ ἐγγυμνασόμενοι τῇ χρήσει τῆς Ἀττικῆς φωνῆς, πρόσεχοντες τὸν νοῦν μάλιστα πρὸς τὰ ὀνόματα τὰ ἐνόντα τῷ Ἀτλαντικῷ λόγῳ. ἐν ἑκάστῳ τῷ συλλόγῳ, ὅπερ γενήσεται ἐν τοῖς ἀκροατηρίοις ZOOM (“Meeting”) ὑπάρξει ὑμῖν, ἐὰν βούλησθε, καὶ διαλέγεσθαι τοῖς συνακροαταῖς καὶ αὐτοὺς κατὰ πρόσωπον ὁρᾶν. ἡμεῖς δὲ ὑμῖν εἰσηγεσόμεθα μελετήματα πρὸς τὴν αὔξησιν τῆς ὑμετέρας ἐπιστήμης τῆς περὶ τὴν Ἀττικὴν φωνήν.
ἐν ταύταις ταῖς διατριβαῖς γενησόμεθα περὶ τὰς λέξεις τὰς προσηκούσας τοῖς τόποις τοῖς ἀνεγνωσμένοις· διαλεξόμεθα γὰρ καὶ γράψομεν λόγους περὶ ν περὶ τῆς μαγγανείας καὶ τῶν ἐπῳδῶν, περὶ τῶν θείων, περὶ τῶν ὁδῶν τῶν κατὰ γῆν καὶ κατὰ θάλατταν, περὶ τῆς Ἀσιατικῆς καὶ Λιβυκῆς τοποθεσίας
ἔστι ἐγγραφῆναι εἰς τοὺς ἀκροατάς εἰς τὴν
3 ἡμέραν τοῦ Ἰουνίου μ. 2023
ΜΕΡΟΣ Α´
Χρόνος | Ὑπόθεσις |
Κρόνου ἡμ. 3 Ἰουνίου 2022, ὡρ. 17:00-18:15 CEST |
μάντεις καὶ ψευδομάντεις |
Κρόνου ἡμ. 10 Ἰουνίου 2022, ὡρ. 17:00-18:15 CEST |
πρὸς τὴν Ἰνδικήν |
Κρόνου ἡμ. 17 Ἰουνίου 2022, ὡρ. 17:00-18:15 CEST |
περὶ τῶν Γυμνοσοφιστῶν καὶ τῆς μετεωρίσεως |
Κρόνου ἡμ. 24 Ἰουνίου 2022, ὡρ. 17:00-18:15 CEST |
ὁ πτωχὸς ὁ Ἐφέσειος |
Κρόνου ἡμ. 1 Ἰουλίου 2022, ὡρ. 17:00-18:15 CEST |
ἐπὶ τῷ Ὡκεανῷ |
Κρόνου ἡμ. 8 Ἰουλίου 2022, ὡρ. 17:00-18:15 CEST |
διὰ τῆς ἠρέμου εἰς τὴν χῶραν τῶν Γυμνῶν |
Κρόνου ἡμ. 15 Ἰουλίου 2022, ὡρ. 17:00-18:15 CET |
περὶ τῆς τοῦ Σατύρου σκιᾶς |
Κρόνου ἡμ. 22 Ἰουλίου 2022, ὡρ. 17:00-18:15 CET | ὁ τοῦ Ἀπωλλονίου ἀγὼν ἐν Ῥώμῃ |
ΜΕΡΟΣ Β´
Χρόνος | Ὑπόθεσις |
Διὸς ἡμ. 8 Ἰουνίου 2022, ὡρ. 18:00-19:15 CEST |
περὶ ἱερέων μάντεων γοήτων |
Διὸς ἡμ. 15 Ἰουνίου 2022, ὡρ. 18:00-19:15 CEST |
περὶ Ἀσίας |
Διὸς ἡμ. 22 Ἰουνίου 2022, ὡρ. 18:00-19:15 CEST |
περὶ Ἰνδικῆς |
Διὸς ἡμ. 29 Ἰουνίου 2022, ὡρ. 18:00-19:15 CEST |
τὰ προάστεια τῶν παλαιῶν πόλεων |
Διὸς ἡμ. 6 Ἰουλίου 2022, ὡρ. 18:00-19:15 CEST |
περὶ θαλάττης |
Διὸς ἡμ. 13 Ἰουλίου 2022, ὡρ. 18:00-19:15 CEST |
περὶ Λιβύης |
Διὸς ἡμ. 20 Ἰουλίου 2022, ὡρ. 18:00-19:15 CET |
περὶ τῶν μεσημβρινῶν δαιμόνων |
Διὸς ἡμ. 27 Ἰουλίου 2022, ὡρ. 18:00-19:15 CET |
περὶ τῆς Ῥώμης |